Мектепке қабылдау шарттары

ҚАЗАҚСТАН РЕСПУБЛИКАСЫ МӘДЕНИЕТ ЖӘНЕ СПОРТ МИНИСТРЛІГІ СПОРТ ЖӘНЕ ДЕНЕ ШЫНЫҚТЫРУ ІСТЕРІ КОМИТЕТІНІҢ АЛМАТЫ ҚАЛАСЫ "ШАҢЫРАҚ" ЫҚШАМ АУДАНЫНДАҒЫ «ОЛИМПИАДА РЕЗЕРВІНІҢ РЕСПУБЛИКАЛЫҚ МАМАНДАНДЫРЫЛҒАН МЕКТЕП-ИНТЕРНАТ-КОЛЛЕДЖІ» РЕСПУБЛИКАЛЫҚ  МЕМЛЕКЕТТІК МЕКЕМЕСІ 

2021-2022 ОҚУ ЖЫЛЫНА СПОРТШЫ-ОҚУШЫЛАРДЫ ЖӘНЕ КОЛЛЕДЖ ТАЛАПКЕРЛЕРІН МЕКТЕП- ИНТЕРНАТ- КОЛЛЕДЖГЕ ҚАБЫЛДАУ ТУРАЛЫ ЖАРИЯЛАЙДЫ

Мектеп-интернатқа қабылдау  7 сынып оқушыларына ғана өткізіледі

Алматы қаласы “Шаңырақ” ықшам ауданындағы «Олимпиада резервінің республикалық мамандандырылған мектеп-интернат-колледжі» – еліміздегі олимпиадалық резервтегі дарынды спортшыларға білім және тәрбие беретін, спорт түрлері бойынша Қазақстан Республикасы құрама командаларына спорттық резерв және спорт саласында арнайы орта білімді мамандарды даярлайтын оқу орны. Оқу орнында келесі спорт түрлері бойынша мамандар даярланады: бокс (ерлер, әйелдер), грек-рим күресі, еркін күрес (ерлер, әйелдер), ауыр атлетика (ерлер, әйелдер), үстел теннисі, таеквондо, семсерлесу, жүзу, садақ ату және каратэ-до, байдарка мен каноэ. Оқуға қабылданған спортшылар 7-11 сыныпта мектеп-интернат қабырғасында және 1-3 курста (2 жыл 10 ай) колледж қабырғасында білім алады. Колледж бітірушілері арнайы орта білімді біліктілігі «Спорт жаттықтырушысы-оқытушы» мамандығы бойынша диплом алады.

Мектеп-интернат-колледжге оқуға қабылданған оқушыларға жатақхана, тегін тамақ, оқу барысында жоғары баға көрсеткен колледж  оқушыларына шәкіртақы (стипендия) және жолақыға жеңілдіктер беріледі.

7 сыныпқа қабылданатын оқушылардың спорттық дайындық деңгейі – таңдаған спорт түрінен балалар-жасөспірімдер спорт мектептеріндегі оқу-жаттығу топтарына сәйкес болуы қажет. Оқуға түсушілер жалпы дене дайындығы (ЖДД) және арнайы дене дайындығы (АДД) бойынша қабылдау емтихандарын тапсырады.

Мектеп-интернат-колледж оқушылары үшін бокс, еркін және грек-рим күресі, ауыр атлетика,  үстел теннисі, садақ ату, семсерлесу және үлкен ойын залдары,  стандартқа сай 50 метрлік бассейн жұмыс істейді.

Мектеп-интернат-колледж төменде көрсетілген олимпиадалық спорт түрлерін дамытады:

Бокс, әйелдер боксы, еркін күрес, әйелдер күресі, грек-рим күресі, таеквондо, жүзу, садақ  ату, ауыр атлетика, үстел теннисі, байдарка мен каноэде есу, семсерлесу, каратэ-до.

Мектеп-интернатқа  балалар-жасөспірімдер спорт мектептерінде спорттық дайындықтан өткен және түсушілерге қойылған тиісті талаптарды орындаған 7 сынып оқушылары қабылданады.

Колледжге спорттық разряды «Қазақстан Республикасының спорт шеберіне үміткер» және одан жоғары спорттық атағы бар және тиісті талаптарды орындаған талапкерлер қабылданады.

1.      Оқуға түсуші оқушылар мен талапкерлер көрсетілген мерзімде қабылдау комиссиясына тиісті құжаттарды тапсырулары қажет.

2.      Оқуға түсуші оқушылар мен талапкерлер  жалпы дене дайындығы мен арнайы дене дайындығы бойынша қабылдау емтихандарына қатысуы тиіс. 

Құжаттарды қабылдау  2021 жылғы 1 маусым мен 20 тамыз аралығында  (Дүйсенбі-Жұма күнбері 09.00 – 17.00 сағ. дейін, сенбі күні 09.00-12.30 дейін ). 

Мектеп-интернатқа қабылдау емтихандары   2021 ж. 23-24  тамыз аралығында өтеді. 

23  тамыз – жалпы дене дайындығы бойынша;

24  тамыз – арнайы дене дайындығы бойынша.

Жалпы дене дайындығы, арнайы дене дайындығы бойынша

Мектеп-интернат-колледжге түсушілер мынадай тест түрлерін тапсырады:

ЖДД. Жүгіру 60 метр, 100 метр, 1000 метр, жатқан қалыпта жерден денесін көтеру (қыздар), кермеде тартылу,   орнынан ұзындыққа секіру.

АДД. Тестілеу нормативтері бойынша.

Оқуға түсу кезінде негізгі рөлді қабылдау емтиханы атқарады, міндетті түрде спортшының республикалық және халықаралық жарыстарға қатысу процесі ескеріледі.

Алматы  қаласының «Шаңырақ» шағ.ауд. ОРРММИК РММ қабылдау туралы комиссиялық қорытынды шешімі қабылданушының денсаулығын, дене шымырылығын, ойлау қабілетін кешенді бағалауға, сонымен қатар ҚР Үкіметінің 2012ж.19.01. № 130 қаулысымен бекітілген, Техникалық және кәсіптік оқу бағдарламаларын жүзеге асыратын, білім беру ұйымына оқуға қабылдаудың үлгі ережелеріне сәйкес негізделеді.

 Алматы қаласының  «Шаңырақ» шағын ауданындағы «ОРРММИК» РММ-нің   қабылдау комиссиясына міндетті түрде спорттық дәрежесі туралы кітапша немесе   спорттық атағы берілгендігі туралы бұйрықтың көшірмесі болған жағдайда ғана 
 ҚАЖЕТТІ ҚҰЖАТТАР ҚАБЫЛДАНАДЫ
 
1. Байқауға қатысушы оқушының ата-анасының өтініші
2. Медициналық анықтама (№ 26 медициналық карта) (тіркеу орны бойынша)
3. № 63 егу туралы медициналық карта                         (тіркеу орны бойынша)
4. Бала денсаулығының паспорты (сырты көк)              (тіркеу орны бойынша)
5. Медициналық анықтама форма № 086                         (тұрғылықты жері бойынша)
    – қанның жалпы анализі
    – кіші дәреттің жалпы анализі 
    – ЭКГ лентасымен
6. МРТ (тек боксшыларға арналған)
7. Бүйрек және ішкі құрылыс мүшелеріне УЗИ (кез келген медициналық орталығы)
8. Эхокардиограмма с доплерографией              (кез келген медициналық орталығы)
9. Электроэнцефалограмма(бас құрылысының түсірілімі)
                                               (кез келген медициналық орталығы)
10. Флюорография 15  жастан жоғары                 (тұрғылықты жері бойынша)
11. Тұрғылықты жерінен туб.диспансерлік анықтама
(өзі және ата-анасының «Д» есебінде тұрмайтындығы жөніндегі анықтама)
12. Ішек тазалығына арналған анықтама         (тұрғылықты жері бойынша)
13. Санитарлық тазалығы туралы анықтама – (3 күнге жарамды)
                            (тұрғылықты   жері бойынша)
    – Файлдар қалтасы түссіз папка (Папка с файлами-скоросшиватель с прозрачной обложкой) – 2 дана
    – Қалың дәптер – 2 дана
Дәрігердің рұқсатынан  кейін:
1.  ¾ сурет (8 дана)
2. Жеке құжатының немесе туу туралы куәліктің (көшірмесі) -4 дана       
  ЖСН (көшірмесі) -4 дана
3.Ата анасының жеке құжаты – 4 
4. Соңғы оқу жылындағы табелдің көшірмесі
5. Санаттық дәрежесі туралы кітапша немесе спорттық атағы  берілгендігі туралы бұйрықтың көшірмесі облыстық спорт басқармасынан куәландыру – 2 дана   

Мекен жайымыз: Алматы қ., “Шаңырақ” ықшам ауданы, Өтемісұлы көшесі №71 үй.

Байланыс телефоны: 8 (727) 245-86-73

e-mail: shanyrakinternat@mail.ru